സോമരസത്തിന്‍ ലഹരിയുമായ്
ചാഞ്ഞു മയങ്ങിയെന്‍ ചാരത്തു നീ
ചന്ദ്രിക പെയ്തൊരാ നീലരാവില്‍
കാറ്റില്‍ നിന്നളകങ്ങള്‍ തെന്നി വീഴുന്നേരം
കോതിയൊതുക്കിയെന്നംഗുലികള്‍
സുന്ദര സ്വപ്നത്തില്‍ നീ പുഞ്ചിരി കൊണ്ടപ്പോള്‍
താരങ്ങള്‍ നാണിച്ചു കണ്ണിറുമ്മി
ദൂരെ താരങ്ങള്‍ നാണിച്ചു കണ്ണിറുമ്മി
മെഴുതിരി ജ്വാല നിന്‍ നുണക്കുഴിക്കവിളിലോ
പ്രഭ കൊണ്ട് ചന്ദനക്കളമെഴുതി
ചുംബനം കൊണ്ട് ഞാന്‍ നിന്‍റെ മൂര്‍ധാവില്‍
പ്രേമത്തിന്നാദ്യക്ഷരമെഴുതി
എന്‍ പ്രേമത്തിന്നാദ്യക്ഷരമെഴുതി